Friday, Sep 25, 2020

நீலவ்னா


ன் கனவு பிரதிமை நீலவ்னா

தொலைதூர மலைத்தொடரில் காட்டு மிருகங்கள் 

இனப்பெருக்கம் செய்துகொண்டிருக்கலாம்

ஆரண்யம் முயங்கும் உயிரியக்கம்

பரிணாமத்தை மேலும் உண்டு பண்ணிக்கொண்டிருக்கிறது

வான் வெளி மண்டலத்தில் நீலம் தரித்திருக்கிறதை 

இப்போழ்து பார்க்க வேண்டுமே நீ

மகா அற்புதம் 

நட்சத்திரக் கூட்டு மந்தையில் 

தனித்து ஔிரும் வெளிச்சம் 

அணைந்துவிடுமா என்ன

பாதி நிலா  மௌனித்து குளிர்ந்துகொண்டிருக்கும்போது

மனதின் அடியாழத்தில் தங்கி நிற்கும்  

நினைவின் குவியல்களில் ஓராழ்ந்த ஈர்ப்பு

சில்லிட வைக்கின்ற மகத்துவம் அறிந்திருக்கிறாயா நீ

தனித்திருத்தலில் கண்டடைந்திருக்கிறேன்  

மேலும்

நீ எனக்கு தூக்கத்தை  அருளிவிட்டு சென்றிருக்கிறாய்

கனவுகளை காண அனுமதித்திருக்கிறாய்

நான் மேகப்பொதியில் உடலை கழற்றி எறிந்துவிட்டிருக்கிறேன்

என் ஆன்மாவை உன் உயிர்வெளிச்சத்தில் மிதக்கவிட்டிருக்கிறேன்

இனி

கடந்துபோ என்கிற  உன் அன்பின் குரலை

என்னசெய்வதென்று சத்தியமாய் தெரிவில்லை நீலவ்னா


அனாமிகா

பகிர்:
முந்தைய பதிவு
அடுத்த பதிவு
No comments

leave a comment